أكتر حاجة ممكن تلفت نظرك فى سلسلة النيترو من شركة ايسر هى التركيز على المكونات الاساسية والتغاضى عن بعض الكماليات فى سبيل سعر اقل مقارنة بنفس الهارد وير من شركات تانية
وشاشة Acer Nitro vg240y خير دليل !
أيسر ركزت على جودة البانل وسرعة الاستجابة وتغاضت عن بعض الكماليات زى القاعدة الهيدرولك مثلا فى سبيل سعر ممتاز لشاشة فى الفئة السعرية المتوسطة تقريبا اقل من 200 دولار فى وقت كتابة المقال وخلى بالك فيه اكتر من اصدار لنفس الشاشة لكن انا هنا بتكلم عن إصدار 165 هرتز
ترشيحى للشاشة هيميل اكتر للالعاب خصوصاً العاب E-Sports عن تصميم الجرافيك وده لإن فيه اهتمام واضح بسرعة الإستجابة 0.5 ميللى ثانية MPRT ولكن مع جودة الوان فوق متوسطة وسطوع مقبول
-مواصفات شاشة Acer Nitro vg240y :
1- الشاشة بتيجى بمقاس 24 بوصة وبدقة Full HD يعنى Aspect Ratio 16:9 - Resolution 1080x1920
2- بانل IPS فهتلاقى جودة الوان وسطوع افضل بكتير من أى بانل تانية فى نفس الفئة السعرية مع زاوية رؤية ممتازة 178 درجة
3-سرعة الاستجابة MPRT 0.5ms : (Motion Picture Response Time )ولو مش فاهم ايه الكلام ده فده يعنى سرعة استجابة الصورة المتحركة او ببساطة ايه مدى وضوح الصور المتحركة فى الميللى ثانية والرقم كل ما كان اصغر كل ما كان افضل . سرعة الاستجابة بمتوسط 2ms GTG ـ (Gray to Gray) ولو مهتم تفهم سرعة الاستجابة بشكل اعمق فهتكلم عنه بشكل مفصل فى مقال تانى .
4- معدل التحديث او ال Refresh Rate : 165هرتز وزى مقولت فيه من نفس الشاشة كذا اصدار ومنهم اصدار لنفس الشاشة لكن ب 75 هرتز
ايه هى محتويات بوكس الشاشة؟
1- Power cable PC 2-Display Cable 3-HDMI cable 4-Monitor User Guide (Manual) 5- Monitor Acer Nitro vg240y
القاعدة من المعدن وعلى شكل حرف V لكنها من الحاجات اللى تتأخد على الشاشة دى لأنه قصير وفي نفس الوقت مش متين بشكل قوى
تركيب القاعدة سهل ومش محتاج اى خبرة فنية او ادوات
الشاشة بتيجى بمداخل: 2x HDMI Port 2.0 1xDisplay Port 1.4 3.5m Audio Jack الشاشة مزودة بسماعتين مدمجين كل واحدة 2w ودى تستخدمها للاستخدمات البسيطة لانها مش احسن حاجة
ومدخل الباور مباشر بدون اى Adapter
خلينا نتكلم عن بعض التقنيات
مزامنة Freesync : مدعم بشكل كامل وال G-Sync متوفر بشكل كامل لكن غير رسمى
Overdrive : تقنية بتعلى زمن الاستجابة جدا لكن بتلغى اى وضع مزامنة تم تفعيله
الالوان : زى ما وضحت الالوان المرة دى مش هى نقطة التميز بالنسبة للشاشة , اينعم هى بانل IPS وفعلا هتديك الوان ممتازة واضاءة كويسة وانت بتلعب عليها لكن مش دى الشاشة اللى تستخدمها فى شغل فيه تلوين او مقارنة الوان وديزاين محترف لكن ارشح لك الشاشة وبشدة لو عايز تستفيد بتجربة العاب عظيمة من خلال سرعة الاستجابة فى الفئة السعرية المتوسطة 200 دولار تقريبا أو اقل
هتحتاج عن طريق زراير المنيو والجوى ستيك فى ضهر الشاشة تعدل الاعدادت الخاصة بالالوان وتقنيات المزامنة وغيره وده أول حاجة تعملها اول متطلع الشاشة من البوكس لأن الوضع الافتراضى للشاشة دى هو الاسوأ ستيك اللى فى ضهر الشاش
ستيك اللى فى ضهر الشاش